ന്യൂഡൽഹി: ഉത്തർപ്രദേശിലെ ഝാൻസിയിലെ ഒരു കേസിൽ സ്വതന്ത്രവും നിഷ്പക്ഷവുമായ അന്വേഷണം നടത്താൻ സുപ്രീം കോടതി ഉത്തരവിട്ടു. അന്വേഷണത്തിൽ ഏതെങ്കിലും തെളിവ് നശിപ്പിക്കുകയോ ഒളിപ്പിക്കുകയോ ചെയ്താൽ ഝാൻസി പോലീസ് സൂപ്രണ്ടിന് (എസ്.പി) വ്യക്തിപരമായ ഉത്തരവാദിത്തം ഉണ്ടാകുമെന്നും കോടതി കർശനമായി മുന്നറിയിപ്പ് നൽകി.
കേസിൽ പരാതിക്കാരൻ നൽകിയ സാക്ഷിമൊഴികൾ അടങ്ങിയ രേഖകൾ അന്വേഷണത്തിനായി പോലീസിന് കൈമാറാൻ സുപ്രീം കോടതി നിർദേശിച്ചു. ആറാഴ്ചയ്ക്കകം അന്വേഷണം പൂർത്തിയാക്കി പുതിയ റിപ്പോർട്ട് വിചാരണക്കോടതിയിൽ സമർപ്പിക്കണമെന്നും കോടതി ആവശ്യപ്പെട്ടു.
ഈ പുതിയ റിപ്പോർട്ട് പരിഗണിച്ച്, എല്ലാ കക്ഷികളെയും കേട്ട ശേഷം മാത്രമേ വിചാരണക്കോടതിക്ക് കുറ്റങ്ങൾ ചുമത്താനോ വിചാരണ നടപടികളുമായി മുന്നോട്ട് പോകാനോ കഴിയൂ എന്നും കോടതി വ്യക്തമാക്കി. കേസിൻ്റെ മെറിറ്റിൽ തങ്ങൾ അഭിപ്രായം രേഖപ്പെടുത്തിയിട്ടില്ലെന്നും കോടതി ബെഞ്ച് കൂട്ടിച്ചേർത്തു.
കേസിൻ്റെ പേര്: ദീപക് യാദവ് ആൻഡ് അനദർ വേഴ്സസ് സ്റ്റേറ്റ് ഓഫ് ഉത്തർപ്രദേശ് ആൻഡ് അനദർ
